Кога Аманда Девит од Тексас купила користена комода преку Фејсбук, не знаела какво изненадување ја чека. Таа пронашла прекрасно парче мебел по одлична цена што изгледало како совршен избор за нејзиниот дом. Но, вистинската приказна започнала дури кога комодата била доставена на нејзината адреса.

Кога дошла комодата, Девит веднаш забележала дека е во одлична состојба.

„Изгледаше како ново. Кога ја ставивме во собата, ги отворив фиоките за да погледнам внатре и најдов нешто што целосно ме шокираше“, рекла таа.

Во една од фиоките забележала украсни кутии од престижните брендови „Хермес“ и „Тифани“. Кога ги отворила кутиите, нашла комплет сосема нови чинии со прекрасни златни украси.

„Секое парче беше беспрекорно. Тоа беше момент за кој можете само да сонувате“, рекла возбудената Девит.

И покрај тоа што откриеното богатство била вистинска реткост, таа решила да постапи чесно. Девит му се јавила на продавачот сакајќи да дознае дали кутиите биле во фиоката случајно или намерно.

„Не сакав да ризикувам со лоша карма“, објаснила таа.

Продавачот ѝ потврдил дека се работи за вредни чинии кои биле свадбен подарок. Тој побарал да се вратат, на што Девит се согласила без двоумење.

„Беше забавно додека траеше“, додала таа со доза на хумор.

@itsamandadewitt When I say I unlocked that cabinet and my jaw hit the floor!!! #facebookmarketplace #louisxvi #antiques #storytime #hermes #hermeschina #facebookmarketplacefinds #louisxvifurniture ♬ original sound – Amanda DeWitt