Фудбалерите на Црвена звезда вечерва го победија Партизан со резултат 4:0 (2:0) во натпреварот од деветтото коло во српската Суперлига.

Три гола за Црвена звезда на стадионот во Хумска постигна Шериф Ендиаје во 24 минута од пенал, 55 и 65 минута.

Силас Катомпа Мвумпа погоди еднаш во третата минута од судиското надополнување во првото полувреме.

Црвена звезда ја постигна првата победа на стадионот во Хумска по осум и пол години.

За прв пат во историјата на „вечните дербија“, Звезда на стадионот во Хумска го победи Партизан со резултат 4:0.

„Црвено-белите“ се на првото место на табелата во српската Суперлига со 22 бода, додека Партизан е деветти со 11.

Во следното коло Црвена звезда го пречекува Железничар, додека Партизан во Лучани ќе му гостува на Младост.