Кошаркарите на Црвена звезда победија во 12 коло против Борац во АБА лигата со резултат 86:57 (23:13, 22:24, 20:8, 21:12) во меч во кој најскапиот играч во историјата на српската кошарка за „црвено-белиот“ тим дебитираше Факундо Кампацо.

Иако не беа исполнети трибините во салата „Александар Николиќ“, оние кои присуствуваа на српскиот дуел имаа можност да се уверат дека Аргентинецот Кампацо ќе биде големо засилување за избраниците на Душко Ивановиќ во преостанатиот дел од сезоната.

Во дуелот со гостите од Чачак, Звезда го реши мечот во последните пет минути од втората четвртина, кога оствари предност од 20 коша разлика (65:45).

Најефикасен во домашниот тим беше Добриќ со 15 поени, Бентил и Петрушев постигнаа по 13, а Кампацо запиша 11. На спротивната страна Хејл постигна 17 поени (четири скокови, три асистенции), додека Томашевиќ додаде 10 поени.

На табелата води Црвена звезда со 21 бод, колку што има и второпласираниот ФМП Београд, потоа Борац е на 11 позиција со 15 бодови, колку и Морнар Бар на 12 позиција, а на последните две места со по 14 бодови се МЗТ Скопје Аеродром и Мега Баскет.

.@facucampazzo beats the 3rd quarter buzzer and the fans raise ?? flags to show love to their new hero. ?#ABALiga @kkcrvenazvezda pic.twitter.com/gifcWWJIlf

— AdmiralBet ABA League (@ABA_League) December 25, 2022