ВИДЕО | Црно-бело чау-чау: Зоолошка градина во Кина обвинета за лажна реклама со кучиња кои личат на панди
Зоолошката градина Таиџоу во провинцијата Џиангсу во источна Кина е обвинета за лажно рекламирање. Имено, вработените им бојадисувале крзно на кучиња од расата чау-чау во црна и бела боја, со цел да ги прелажат потенцијалните посетители дека има и панди во градината.
Препорачано
Зоолошката градина на 1 мај ја објави веста за новата поставка „куче панда“, која чини 2,58 евра, но посетителите се разочараа откако сфатија дека се работи за офарбани кучиња, пренесува „Скај њуз“.
Вработен од градината ги отфрли обвинувањата за лажно рекламирање, нагласувајќи дека тоа е само нова понуда за посетители која не се наплаќа дополнително, а во огласот прецизно пишувало дека се работи за чау чау кучиња.
Портпаролот на градината го бранеше овој потег, посочувајќи дека „и луѓето си ја бојат косата“.
„Природната боја може да се користи на кучињата ако имаат долго крзно. Немаме панди во зоолошката градина и затоа го направивме ова“, додаде тој.
Viral Video | The Taizhou Zoo in Jiangsu Province, #China, has sparked outrage after authorities painted two #dogs black and white to resemble #pandas. #TheAssamTribune #ViralVideo pic.twitter.com/ASxqhsgzVs
— The Assam Tribune (@assamtribuneoff) May 9, 2024
