фото: twitter.com/BurnleyOfficial

ВИДЕО: Чурлинов повторно во составот на Барнли, меѓу резервите за мечот против КПР

Како што од претходно е објавено, Дарко Чурлинов по опоравувањето од повредата им се врати на клупските обврски во Барнли.

Македонскиот фудбалер кој поради повредата ги пропушти последните пет натпревари на нашата А репрезентација, повторно е на располагање кај менаџерот Винсен Компани.

Денеска се враќаат возбудувањата во англискиот Чемпионшип каде моментно токму Барнли води со 41 бод и засега успешно оди на патот кон враќање во Премиер лигата.

Со почеток од 14.00 часот играчите на Компани му гостуваат на КПР кој има четири порази на последните пет средби.

Чурлинов не е во стартниот состав, но шансата за настап на денешниот дуел во Лондон ќе ја бара од клупата за резерви.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот