Понекогаш, становите изнајмени преку „Ербиенби“(Airbnb) ги надминуваат очекувањата кога ќе влезете и ќе откриете дека апартманот е попростран, има поубава кујна или нуди подобар поглед отколку што сте замислувале. Во друг случај, изненадувањето може да биде апсурдно како на филм.

Еден гостин го сподели моментот кога сфатил дека има повеќе друштво од очекуваното во станот кој го изнајмил преку „Ербиенби“. Изненадувањето следело кога се отворила скриена врата за библиотека, откривајќи го сопственикот на имотот без панталони, пренесува „Борд панда“.

Профилот на ТикТок „Mystery Happened“ објави приказна за маж кој изнајмил куќа преку „Ербиенби“, а потоа останал шокиран кога одеднаш го видел сопственикот таму.

„Вие сте луѓето на кои им ја изнајмив куќата, нели?“, му рекол сопственикот на гостинот, кој се претставил како Ричард.

„Дали си тука цел ден? – прашал сопственикот.

@mysteryhappened Never Booking This AirBnB Again #viraltiktok #fyp #foryou #goviral #clips #foryoupage #health #cigratesecancer ♬ original sound – Mystery Happened

Кога гостинот го прашал сопственикот каде му се панталоните, тој му рекол дека сакал да се истушира ​​бидејќи мислел дека никој од гостите не е во куќата. Кога еден од гостите го прашал што прави тука, сопственикот одговорил: „Јас живеам овде“.

„Ја користев кујната, бањата…“

Тогаш гостинот го потсетил сопственикот дека не треба да шета низ куќата ако ја изнајмува на некој друг. Сепак, Ричард рекол дека тајната соба во која се криел не е во описот на изнајмената куќа.

„Ако добро се сеќавате, реков дека тоа е куќа со три спални соби, две соби за прием, кујна и бања. Тоа е она што го имате. Тоа е она што го изнајмувам“, рекол Ричард и открил дека кујната ја користел за складирање.

„Каде ти е облеката?“, потоа прашал гостинот, а сопственикот рекол: „Во машината за перење. Ги ставив работите во машината за перење, се надевам дека нема да ви пречи“.

Видеото се вика „Никогаш повеќе нема да резервирам Ербиенби“ и има над десет милиони прегледи. Во коментарите луѓето шпекулираа зошто сопственикот престојувал во скриената соба.

„Веројатно е во пензија и единствениот начин на кој може да ја плати хипотеката е да ја изнајми куќата, но нема каде да оди“, „Изгледа како фин човек. Жал ми е за него“, „Ова е многу тажно, веројатно го прави затоа што не може да си дозволи да живее таму“, се дел од коментарите.