Денеска во 31 коло од Серија А фудбалерите на Торино и Верона ремизираа со конечен резултат 1:1.

Немаше голови во првото полувреме, во 62 минута домаќините не реализираа пенал преку Адамс. Стигна казната во 64 минута кога гостите поведоа со погодокот на Сар.

Но, само три минути подоцна „биковите“ дојдоа до бодот со прекрасниот гол на македонскиот репрезентативец Елиф Елмас кој со левата нога ја испрати топката во мрежата на Монтипо.

За Елмас ова е четврти гол сезонава во италијанскиот шампионат во седмиот настап за Торино.

Во 86 минута домашниот тим остана без еден фудбалер на теренот поради црвениот картон на Ричи, но резултатот не се менуваше до крајот на средбата.

На табелата Торино е на 10 позиција со 40 бодови, додека Верона е на 14 позиција со 31.