Фудбалерите на Челси го совладаа Њукасл во првиот натпревар од деветтото коло во англиската Премиер лига со 2:0 и така барем на кратко избија на првото место на табелата.

Првиот гол беше постигнат во 10 минута, одбранбениот играч на домаќините Федерико Фернандез не реагираше најдобро на петерецот и ја испрати топката во сопствената мрежа.

Проблем за менаџерот Стив Брус беше повредата на капитенот Ласелс кој беше заменет од Шар на стартот од вториот дел.

Конечниот епилог беше поставен во 65 минута, еден одличен контранапад започна брзиот Вернер кој се ослободи од двајца противнички играчи, па асистираше до Теми Абрахам за негов трет погодок сезонава.

Во генералниот пласман водат лондонските „сини“ со 18 бодови, колку што има и второпласираниот Лестер кој својот меч ќе го има в недела кај четвртопласираниот Ливерпул (17). На третата позиција е Тотенхем со 17 бодови.

Nine games unbeaten. ?
Five wins in a row. ?#NEWCHE pic.twitter.com/axtMtAdZi3

— Chelsea FC (@ChelseaFC) November 21, 2020