Фудбалерите на Челси со една нога се во финалето на Конференциската лига, откако вечерва во Шведска убедливо со 4:1 триумфираа над Ѓургарден.

Англичаните поведоа во 12 минута со погодокот на Џејдон Санчо, а пред крајот на првото полувреме во 43 минута за зголемување на позитивата стрелаше Нони Мадуеке.

Во 59 и 65 минута беше потврдена победата на лондонските „сини“, двоен стрелец беше Николас Џексон.

Швеѓаните го постигнаа единствениот гол во 68 минута преку Исак Александер Алемајеху Мулугета. Реваншот ќе се игра на 8 мај со почеток од 21.00 часот.

Во второто полуфинале Бетис на домашен терен со 2:1 ја совлада Фиорентина.

Шпанците дојдоа во водство веќе по шест минути игра со голот на Абде Езалзули, а во 64 минута Антони го зголеми водството.

Италијанскиот претставник во 72 минута ја намали негативата преку Лука Раниери и ги одржува шансите за влез во големото финале на КЛ.