Фудбалерите на Челси денеска се пласираа во осминафиналето на ФА Купот, откако на домашен терен во Лондон по продолженијата го победија третолигашот Плимут со 2:1.

Плимут поведе на „Стемфорд Бриџ“ со голот на Меколи Гилеспи во осмата минута, израмни Сезар Аспиликуета во 41 минута и со тој резултат заврши регуларниот дел од натпреварот.

Победата за минатогодишниот финалист во ФА Купот ја донесе Маркос Алонсо во втората минута од продолжението. Плимут имаше шанса да израмни, но голманот на Челси, Кепа Аризабалага го одбрани пеналот на Рајан Харди во 117 минута.

Во осминафиналето е и Вест Хем, кој како гостин по продолженијата го победи шестолигашот Кидерминстер со 2:1. Кидерминстер, кој се натпреварува во Националната лига Север, поведе со голот на Алекс Пени во 19 минута, а израмни Деклан Рајс во првата минута од продолжението.

Победата во Премиер лигата ја донесе Џерод Боуен во првата минута од продолжението.