Британскиот крал Чарлс Трети и кралицата Камила се сретнаа со францускиот претседател Емануел Макрон и неговата сопруга Брижит Макрон по повод церемонијата на Денот Д.

Кралицата Камила и Брижит Макрон денеска го посетија меморијалниот центар во француското село Верс-сур-Мер, положувајќи венци пред споменикот посветен на војниците кои загинаа под британската команда во текот на истоварувањето во Нормандија за време на Втората светска војна.

И двете дами биле облечени во бело од глава до пети. Брижит останала верна на своите претходни стајлинзи, додека кралицата Камила сепак се држела до старомодната класична естетика која е својствена за британскиот двор.

Сепак, во прв план исплива скандалот за кој денеска зборува цел свет, а тоа е игнорирањето на Брижит од страна на Камилa.

Awkward moment Brigitte Macron breaks Royal protocol as she tries to hold Queen Camilla’s hand at D-Day memorial in Normandy#Macron #DDay #Camilla #Royals pic.twitter.com/Qi3h66iYee

— Daily Mail Online (@MailOnline) June 6, 2024

Откако го положиле цвеќето, двете дами се повлекле за да им оддадат почит на жртвите во мир и тишина, а тогаш Брижит посегнала по раката на Камилa. На видеото јасно се гледа како кралицата останува воздржана, по што настапила тишина, па и двете се вратиле кај своите сопрузи, кралот Чарлс и Емануел Макрон.

Иако гестот на Брижит бил добронамерен, спонтаните допири со членовите на кралското семејство може да претставуваат проблем. Постои непишано правило да не се оди подалеку од ракување кога е во прашање британската круна, а Камила го следи примерот на покојната кралица Елизабета Втора која инсистираше на физичко дистанцирање од другите луѓе во јавноста.

Кралот Чарлс и кралицата Камила ќе присуствуваат на неделната велигденска служба во Виндзор

Здравјето на Кралот Чарлс се влошува, активирана „Операцијата Менаи Бриџ“ за кралскиот погреб