Американската поп-ѕвезда Бритни Спирс и нејзиниот сопруг Сем Асгари неодамна потврдија дека се разделуваат по нешто повеќе од една година брак и шестгодишна врска.

И додека Асгари е во процес на иселување од заедничкиот дом, Спирс продолжи со својот провокативен животен стил. Во своите последни објави на Инстаграм, таа сподели дека добро се забавува во друштво на неколку пријатели.

На првата снимка, таа е речиси гола и лежи на својот кревет, а во позадина се слуша песната „I Put a Spell on You“ од Ени Ленокс.

На втората снимка, пак, таа сподели моменти од ноќно излегување со неколку момци, од кои едниот ѝ ја лиже ногата.

Во својата објава, таа го спомна и нејзината неодамнешна посета на еден ресторан за брза храна во Окснард, Калифорнија, каде во петокот беше фотографирана од папараците.

„Кога одиш да се сретнеш со т.н „пријател“ и возиш еден час за пилешко. Знаев дека папараците имале дојава дека ќе бидам таму бидејќи пристигнав со автомобил кој не сум го користела досега. Како знаеа дека ќе бидам таму за да ме следат?

Па, што прави кучка како мене?! Го облеков зелениот фустан и одам кај моите пријатели. Ги поканив моите омилени момци и игравме цела ноќ“, напиша Спирс.

Овие снимки се појавија еден ден по нејзината објава за разводот од Асгари.

„Како што веќе знаете, јас и Хесам повеќе не сме заедно… Шест години се многу, па малку сум шокирана. На телепатски начин добивам многу пораки од пријателите, а тоа ми го исполни срцето и Ви благодарам. Предолго се претставувам како силна, на мојот Инстаграм сѐ изгледа совршено, но тоа е далеку од реалноста и мислам дека сите го знаеме тоа“, вели Спирс.

Во долгата објава, таа вели дека би сакала да ги покаже „своите емоции и солзи“, но од различни причини секогаш морала да ги крие „своите слабости“. Исто така, таа вели дека доколку не се однесувала така, ќе ја прателе на лекување.

 

 

„Потребна ви е безусловна љубов, а не љубов со услови. Затоа ќе бидама силна колку што можам и ќе дадам сѐ од себе. И всушност ми оди прилично проклето добро. Како и да е, имајте убав ден и не заборавајте да се насмеете“, напиша Спирс на Инстаграм.

Како потсетување, Бритни Спирс и Сем Асгари се венчаа во јуни 2022 година, на свадбена церемонија во куќата на поп-ѕвездата. Меѓу гостите беа Мадона, Парис Хилтон и Селена Гомез.

Тие беа во врска шест години пред да се венчаат, а се запознаа на снимањето на видеозаписот за песната „Slumber Party“.