Репрезентацијата на Бразил нема да ја брани титулата на олимписките игри ова лето во Париз.

Во одлучувачкиот последен натпревар од третото коло од јужноамериканските квалификации, Бразил беше поразен од Аргентина со 0:1 и така остана без пласман во Париз.

Единствениот гол за аргентинската репрезентација до 23 години која ја води Хавиер Маскерано го постигна Лусиано Гондоу во 77-та минута. Аргентина натпреварувањето го заврши на второто место, додека Бразил остана трет со три бода.

Покрај Аргентина на Олимписките игри се пласираше и Парагвај кој во последниот натпревар ја совлада Венецуела со 2:0 и така го освои првото место со седум бодови. Венецуела од друга страна остана последна во групата со само еден бод.

Бразил освен златото пред три години во Токио, освои злато и на игрите во 2016 година во Рио Де Женеиро, а ова ќе биде првпат од 2004 да пропуштат едни Олимписки игри. Аргентина ja oсвојуваше титулата освојуваше во Атина 2004 и Пекинг 2008.