Браната Липа во неготинско е напукната, протекува од многу места и има опасност од рушење на дел од насипот, вели директорот на Центарот за управување со кризи, Стојанче Ангелов, кој денеска беше на местото.

Ангелов се сретна со градоначалникот на Неготино, Горан Стојанов, а потоа и со раководителот на Регионалниот центар за управување со кризи Неготино, Пане Трајков и со мал тим од општината се упати кон село Липа, близу коешто е лоцирана оштетената брана.

По непосредниот реализиран увид и документирање на состојбата на терен, ќе следат и наредни чекори за превентивно дејствување од ЦУК, преку Секторот за операции и координација, во координација со субјектите од системот за управување со кризи (СУК).