Фудбалерите на Брајтон го совладаа Арсенал со убедливи 0:3 и во денешното коло од Премиер лигата. Манчестер Сити претходно победи и си ја заврши работата, па така овој пораз за тимот на Артета веројатно значи крај и за сите надежи.

Арсенал играше одлична сезона и до пред неколку коло беше лидер на табелата, но потоа тимот влезе во резултатска криза и тим како Манчестер Сити тоа знаеше да го искористи. Сега ако не се случи некакво чудо во последните кола, „граѓаните“ ќе стигнат до титулата.

По првите 45 минути немаше голови, но Арсенал го загуби Мартинели кој се повреди по само 20 минути игра, на негово место влезе Тросар.

На самиот старт од вториот дел Енцисо го доведе Брајтон во водство, а во финишот беа постигнати уште два гола. Унданав зголеми на 0:2 во 86-тата минита, за Еступинан во 96-тата минута да ги постави конечните 0:3.

Арсенал на табелата сега има 81 бод, четири помалку од Сити кој има и натпревар помалку. Од друга страна Брајтон со 58 бода е шести и има големи шанси да игра во Лига Европа.