Поранешниот шампион во тешка категорија во бокс Ивандер Холифилд беше поразен синоќа од Витор Белфорт во егзибицискиот меч во Флорида. Белфорт славеше со технички нокаут во првата рунда.

Холифилд кој на 59-годишна возраст се врати во рингот доживеа пораз, Белфорт жестоко удираше, а судијата го прекина мечот.

Холифилд доби можност да се бори, бидејќи Оскар де ла Хоја, кој требаше да биде во рингот, беше заразен со коронавирус. За него ова беше 11 пораз, а прва борба после 10 години.

Еден од коментаторите на овој настан беше поранешниот американски претседател, Доналд Трамп, кој беше разочаран по мечот.

– Од почетокот можеше да се види дека Холифилд не е истиот борец како порано. Беше бавен. Невообичаено беше да се види во оваа состојба, бидејќи секогаш го гледавме како победува – коментираше Трамп.

Vitor Belfort’s pressure proved to be too much for Evander Holyfield.

(via @OmarESPN) pic.twitter.com/wlR89gCjJC

— ESPN Ringside (@ESPNRingside) September 12, 2021