Фудбалерите на Болоња продолжија со одличните настапи и во 2025 година. Избраниците на тренерот Виченцо Италијано само еднаш беа поразени од почетокот на годината, а денеска ги освоија трите бода на гостувањето кај Верона.

Болоња победи со 2:1 со головите на Јенс Одегард и Никола Камбијаги. Гостите поведоа по 40. минута од натпреварот кога десниот бек Давиде Калабрија одигра убаво додавање до Јенс Одегард, а напаѓачот ја испрати топката во мрежата на Верона.

Домаќините од 70 минута останаа со еден фудбалер помалку откако дефанзивецот Николас Валентини доби втор жолт картон на 20 минути пред крајот на натпреварот.

Гостите брзо го искористија тоа и шест минути подоцна го удвоија водството со голот на замената Николас Кабијаги, на што му претходеше огромна грешка на домашниот голман Лоренцо Монтипо.

Верона успеа да го ублажи поразот со играч помалку, а стрелец беше Даниел Москера во 80. минута.

По новите три бода, Болоња има вкупно 50 и се израмни на петтото место со Лацио, додека Верона е 15-та со 26 бодови.