Фудбалерите на Болоња на гости го совладаа Емполи со 3:0 (2:0) во првиот натпревар од полуфиналето на Купот на Италија и се на чекор до првото домашно куп финале од 1974 година.

Гол-серијата ја почна Рикардо Орсолини кој стрелаше во 23 минута од мечот.

Следните два погодоци за потврда на триумфот беа дело на Тијс Далинга во 29 и 51 минута на стадионот „Карло Кастелани“

Возвратниот дуел меѓу Болоња и Емполи ќе се игра на 24 април на стадионот „Ренато Дал Ара“.

Во второто полуфинале се среќаваат екипите на Милан и Интер, а првиот меч е денеска од 21.00 часот.