Богдан Богдановиќ иако важи за еден од најсмирените кошаркари во НБА лигата во вчерашната победа на Атланта против Чикаго (113:101) имаше конфликт со тренерот Квин Снајдер.

Инцидентот се случи на две минути пред крајот на натпреварот кога Атланта водеше со 113:96. Во наплив на бес, Богдановиќ фрли шише кон Снајдер, а потоа стана од клупата и му се развика во лице.

Засега не е позната причината за ваквата реакција на Богдановиќ. Сепак, по натпреварот на прес-конференцијата двајцата потврдија дека нивниот однос е фантастичен и дека она што се случило е нормална работа во спортот.