Фудбалерите на Бетис ја продолжија серијата на добри резултати и го совладаа Лас Палмас со 1:0 во Ла Лига.

Домашните потешко од очекувањата постигнаа гол против Лас Палмас. Првата шанса ја имаше Родригез во 44 минута, но Силесен одлично одбрани.

Стрелец на единствениот гол на мечот беше Диего Љоренте во 65 минута. Иско имаше шанса да се запише во листата на стрелците од пенал во 95 минута, но Силесен го прочита неговиот слаб удар и го одбрани.

Бетис дојде до третата победа во низа и сега е на шестото место со 41 бод, додека Лас Палмас е претпоследен со 24 бодови.

Билбао и Мајорка одиграа неинтересен дуел на кој двата гола стигнаа во рок од две минути. Првиот гол за гостите од Мајорка го постигна Раиљо во 56 минута, а само две минути подоцна Нико Вилијамс израмни и го постави конечниот резултат (1:1).

Билбао го продолжува кон Лигата на шампионите, сега е четврти со 49 бодови, додека Мајорка е седма со 37.