Во последниот натпревар од 34 коло на шпанското фудбалско првенство, Реал Бетис го победи Рајо Ваљекано со 3:1, и така ја продолжува трката за место во Европа.

Домашните поведоа уште во петтата минута со голот на Јусуф Сабали, а во последните моменти од првото полувреме Ајозе Перез зголеми на 2:0.

Надежта кај гостите им ја врати Санти Комесана во 52 минута, а во последните моменти од натпреварот Борха Иглесијас го постави конечниот епилог.

Македонскиот репрезентативен голман Столе Димитриевски го одигра целиот меч за Рајо Ваљекано.

Бетис моментно е на шестото место на табелата во „Ла Лига“ со 55 бодови, додека Рајо Ваљекано остана на 11 позиција со 46 бодови.

Во следното коло Бетис на 21 мај ќе гостува кај Севиља, додека Рајо Ваљекано истиот ден ќе го пречека Еспањол.