Бендот „Selo i Ludy“ од Харков, украинскиот град кој беше мета на силно гранатирање, секојдневно споделува настапи во живо од нивното засолниште, со цел да одржат морал.

Во прилог за „Би-Би-Си“, фронтменот на бендот Алекс ја раскажува својата приказна, која од музика во подрум станува приказна за реалноста на војната.

Алек како водич ја покажува локацијата на неговиот престој. Тој и неговите колеги сега се кријат во нивното студио во подрумот, кое е претворено во засолниште што го делат со други луѓе. Тие имаат соба за музика, импровозирана кујна и „дневен престој“.

„Имаме подрум од 160 квадратни метри кој стана засолниште за еден куп луѓе. Мило ми е што успеавме да им обезбедиме засолниште“, рече тој.

„Таму се моите пријатели, едното дете и неговата баба, и мислам дека ќе дојдат уште луѓе“, рече Алекс, кој со својот бенд „Selo i Ludy“ од подрумот прави стриминг настапи за поддршка на Украина.

На видеата во коментарите, постојано се изразува поддржка.

„Одлична музика! Извонредно подигнување на духот во толку неразбирливо време. Го споделив со сите што ги познавам“, е еден од коментарите, додека многумина напишаа дека нивните концерти треба да продолжат и си ја „завршуваат работата“.

Алекс покажа и од каде настапуваат и собата на директорот на неговиот бенд, која сега е претворена во кујна. Тој во видеото рели дека, и ако успеат да набават бензин, ќе прават молотови коктели.

„Како што веројатно сте слушнале на вестите, нашиот град се соочува со силно бомбардирање и уништување во последните денови. Речиси сите поминавме низ фази на негирање на она што се случува, но по целиот овој ужас сме доволно свесни да не ја потцениме опасноста од целата ситуација“, рече тој.

Алекс призна дека се труди да остане силен во овие тешки моменти.

„Не се откажуваме. Ќе се бориме и немаме намера да се предадеме. Уморни сме да живееме под постојан терор. Слава на Украина и нашите херои“, заклучи Алекс.

Девојчето што ја пееше „Let it go“ во военото засолниште, сега е на сигурно во Полска