Поради пожарите кои продолжуваат да беснеат во Лос Анџелес, бројни жители мораа да ги напуштат своите домови, меѓу кои и холивудските ѕвезди, од кои многумина ги загубија своите домови.

И актерот Бен Афлек  мораше да се евакуира и да ја напушти својата вила вредна 20 милиони долари, која остана недопрена од пожарот, а папараците викендов го фотографираа пред неговиот дом со најстарата ќерка Виолет (19).

52-годишниот актер обземен од емоции, беше снимен со загрижен израз на лицето, а во еден момент ја прегрна ќерката која носеше заштитна маска, по што заедно го напуштија Брентвуд каде се наоѓа неговата палата.

За потсетување, бројот на загинати во пожарите кои беснеат во Лос Анџелес се искачи на 24, а 100.000 луѓе во моментов се евакуирани од своите домови.