Американката Кристина Мајер роди црно момче поради грешка во постапката на ин витро оплодување (ИВФ), а сега ја тужи клиниката за ИВФ.

Иако ин витро оплодувањето е благослов за многу жени, во случајот на Американка од Џорџија, третманот со ИВФ станал ноќна мора.

Кристина Мареј несвесно носела и родила машко бебе, кое биолошки не било нејзино, а откако била принудена да се откаже од старателството, решила да преземе правна постапка против клиниката за ИВФ поради несоодветно работење.

@skynews A woman was implanted with someone else’s embryo at a US fertility clinic. She was then made to give the baby away to its biological mother – an experience she says has left her ‘physically broken’ #FYP #USNews #SkyNews #Fertility #Womenshealth ♬ original sound – Sky News

Како што е наведено, таа забременила по третман со ИВФ во клиника за плодност во мај 2023 година. Кога родила момче, станало јасно дека ембрионот што го носи всушност припаѓа на друг пар и дека не е од донорот на сперма што таа го избрала. И покрај грешката сакала да го задржи детето и го чувала момчето неколку месеци додека биолошките родители не го добијат старателството, пренесува „Би-би-си“.

Во изјавата објавена од нејзиниот адвокат, Кристина Мареј изјавила: „Да носам бебе, да се заљубам во него, да го родам и да изградам уникатна посебна врска помеѓу мајката и бебето, сè за да ми го одземат. Никогаш нема целосно да закрепнам од ова“.

Мареј роди црно бебе во декември 2023 година. Таа никогаш не објавуваше фотографии од детето на интернет, ниту им дозволи на пријателите и семејството да го видат. Таа на крајот направила ДНК тест, а резултатите што ги добила кон крајот на јануари 2024 година потврдиле дека тие не се биолошки поврзани, се вели во тужбата поднесена против клиниката.

Таа ја известила клиниката за грешката следниот месец, а потоа биолошките родители на бебето побарале старателство. Бебето во тоа време имало три месеци.

Мареј доброволно се откажала од старателството откако нејзиниот адвокатски тим ѝ кажал дека нема шанси да победи на семејниот суд. Бебето сега живее со своите биолошки родители во друга држава под друго име.

Во жалбата се вели дека Мареј сè уште не знае дали клиниката по грешка го дала нејзиниот ембрион на друг пар и што се случило со него.

Во изјава за „Си-би-си Њуз“ (CBS News), американскиот партнер на клиниката „Coastal Fertility“ ја призна грешката и се извини за предизвиканата вознемиреност.

„Ова беше изолиран настан без други засегнати пациенти. Истиот ден кога беше откриена оваа грешка, веднаш спроведовме темелна проверка и воведовме дополнителни заштитни мерки за понатамошна заштита на пациентите и за да се осигураме дека таков инцидент нема да се повтори“, се вели во соопштението.

Во последниве години, беа поднесени неколку тужби против американските клиники за ИВФ.

Патем, ИВФ е процедура при која женската јајце клетка се оплодува со машка сперма во лабораторија пред ембрионите да бидат имплантирани во женската матка.