ВИДЕО: Барса имаше шампионски старт во Сегед, Кил рутински со норвешкиот Елверум
Новата сезона во ЕХФ Лигата на шампионите започна со победа на актуелниот првак Барселона над Пик Сегед на гости, и со рутинскиот триумф на Кил против Елверум на домашен терен.
Препорачано
Двократниот последователен шампион во Унгарија славеше благодарение на многу подобрата игра во вториот дел – 28:35 (15:14). Играчите на Хуан Карлос Пастор водеа во текот на целото прво полувреме (најмногу со 10:5), а и на почетокот на вториот дел, но со серија од 15:4 Барселона го „уништи“ противникот. Од негатива од 19:17, каталонскиот гигант во финишот дојде до 23:32.
Француското трио доминираше во нападот, Фабрегас и Мем постигнаа по седум гола, следени од Ричардсон со еден погодок помалку. На спротивната страна Ричард Бодо се истакна со пет гола, а по четири имаа Шоштариќ и Банхиди.
Елверум и порано знаеше да го намачи Кил во „Вундерино“ арената, но овојпат тоа не се случи. „Зебрите“ рутински славеа 36:26 (17:13), не дозволувајќи никаква дилема.
Во таборот на гостите брилјираше српскиот репрезентативец Урош Борзаш со шест гола. За победниците, Рајнкинд беше прв стрелец со шест голови, по пет запишаа Винчек и Екберг по пет.
ЕХФ Лига на шампиони
Среда, резултати:
Кил – Елверум 36:26
Пик Сегед – Барселона 28:35
