Марио Балотели е на прагот на нов трансфер откако влезе во конфликт со тренерот на турскиот клуб Адана Демирспор Винченцо Монтела за време на неговиот натпревар Адан против Умранијеспор.

Според Фабрицио Романо, новата дестинација на италијанскиот фудбалер би требало да биде швајцарскиот Сион.

Балотели минатата сезона блескаше по пристигнувањето во турскиот фудбал и на 33 настапи постигна 19 гола и запиша шест асистенции, но оваа сезона падна во втор план со доаѓањето на Артем Ѕјуба, што можеби е една од причините за инцидентот со Монтела.

Балотели во својата клупска кариера настапуваше за Лумецане, Интер, Манчестер сити, Милан, Ливерпул, Ница, Марсеј, Бреша и Монца.

Најголемите успеси ги имаше со милански Интер, трипати освојувајќи ја Серија А, една титула во Лигата на шампионите, а со Манчестер сити во 2012 година стигна до трофејот во Премиер лигата.