Фудбалерите на Баерн Минхен денеска победија на гостински терен Бохум со 5:0, во натпреварот од осмото коло во Бундес лигата и го зазедоа првото место на табелата.

Баерн поведе во 16 минута со голот на Мајкл Олисе, предноста ја удвои Џамал ​​Мусијала во 26 минута, а третиот гол го постигна Хари Кејн во 57 минута.

Четвртиот гол за Баерн го постигна Лерој Сане во 65 минута, а шест минути подоцна Кингсли Коман го постигна конечниот гол.

По шестата победа, Баерн е прв на табелата со 20 бодови, исто толку колку и второпласираниот Лајпциг на македонскиот репрезентативец Елиф Елмас.

Бохум оваа сезона и натаму нема победа во германската лига и е последен на табелата со еден бод.