Фудбалерите на Унион Берлин и Баерн Минхен денеска одиграа нерешено 1:1, во натпреварот од 26 коло во германскиот шампионат.

Баерн поведе со голот на Лерој Сане во 75 минута, а Унион Берлин израмни со голот на Бенедикт Холербах во 84 минута.

Баерн е прв на бундеслигашката табела со 62 бодови, девет повеќе и натпревар помалку од второпласираниот Баер Леверкузен.

Унион Берлин е на 13 позиција со 27 бодови. Во следното коло Баерн ќе му гостува на Сент Паули, додека Унион Берлин оди кај Фрајбург.

Фудбалерите на Аугсбург на домашен терен го совладаа Волфсбург со 1:0. Решавачкиот гол го постигна Филип Тајц во 53 минута. Двете екипи имаат освоено по 38 бода и се израмнети на осмото место во генералниот пласман.

Во следното коло Аугсбург гостува кај Хофенхајм, додека Волфсбург ќе игра против Хајденхајм.

Во другите натпревари Мајнц и Фрајбург ремизираа 2:2, а Борусија Менхенгладбах на гостински терен го совлада Вердер Бремен со 4:2.