Вечерва во првиот натпревар од 20 коло во најсилното германско првенство Баерн Минхен минимално славеше на гостувањето кај Херта Берлин со резултат 0:1 (0:1).

За баварскиот гигант ова беше вкупно 15 триумф сезонава во Бундеслигата и полека, но сигурно ита кон 31 титула во неговата историја.

Моментно водечки е составот на Ханси Флик со 48 бодови, 10 повеќе од второпласираниот Лајпциг кој својот меч ќе го има в сабота на гостувањето кај Шалке.

На „Олимпискиот стадион“ во Берлин во снежни услови единствениот гол го реализираше Коман во 21 минута после асистенцијата на Милер.

Претходно во 12 минута пенал за гостите не реализираше полскиот интернационалец Левандовски.