Фудбалерите на Баер Леверкузен вечерва на домашен терен го совладаа Хофенхајм со 3:1, во 20. коло од Бундес лигата. Головите од натпреварот можете да ги погледнете ТУКА

Актуелниот германски шампион поведе преку Виктор Бонифас во 15. минута, а Џереми Фримпонг четири минути подоцна го удвои водството.

Баер го постигна третиот гол во 51. минута преку Патрик Шик, а домашниот тим 10 минути подоцна остана со играч помалку, откако Алехандро Грималдо доби втор жолт картон.

Само една минута со дополнителен играч беше доволна за Хофенхајм да го намали резултатот, а погоди нигерискиот фудбалер Гифт Орбан.

Резултатски промени немаше, па Баер сега е на второто место во Бундеслигата со 45 бодови, шест бода зад лидерот Баерн Минхен.

Хофенхајм е пред зоната за испаѓање, на 15. место со 18 бодови. Во следното коло Баер Леверкузен ќе игра против Волфсбург, додека Хофенхајм ќе биде домаќин на Унион Берлин.