Членовите на австриската крајнодесничарска партија ФПО го напуштија парламентот во знак на протест против видео говорот на украинскиот претседател Володимир Зеленкси, кој тврди дека ја нарушува австриската неутралност, пренесуваат австриските медиуми.

За време на говорот на украинскиот претседател Володимир Зеленски, членовите на екстремно десничарската Партија на слободата (ФПО) го напуштија Долниот дом на австрискиот парламент.

All members of FPO (Freely political party Austria) leave the austrian parliament, as #Zelensky starts his virtual speech.
Instead of joining they place signs on their tables with the slogans "place for peace" as well as "place for neutrality".
1/2 pic.twitter.com/7SKgQ2vv4P

— CommonSense (@HaMuFa2020) March 30, 2023

Зеленски изрази благодарност до Австрија за пружањето хуманитарна помош и помошта во иницијативите како што е расчистување на нагазни мини преку видео врска до парламентот. Сепак, тој исто така рече дека е од суштинско значење „да не се биде морално неутрален кон злото“.

„Ви благодариме за помошта во расчистувањето на мините и медицинскиот третман во Австрија“, рече Зеленски.

„Кога ви се обраќаме за поддршка, бараме да ги заштитиме човечките животи. Украина сака да живее во безбедност, мир и слобода“, рече тој.

Конечно, украинскиот лидер ги покани пратениците да отпатуваат во Украина и самите да ја видат ситуацијата.

Иако Австрија политички ја поддржува Украина, таа е спречена поради нејзината неутралност од воено вмешување во конфликтот и не е во состојба да ја снабди земјата со оружје во нејзината борба против руската инвазија.