Фудбалерите на Манчестер јунајтед ги разочараа своите навивачи, не само што не успеаја да обезбедат пласман во нокаут-фазата од Лигата на шампионите, не ни обезбедија место во Лига Европа, па тука завршува меѓународниот настап за нив оваа сезона.

На домашен терен во последното шесто коло од групата „А“ на стадионот „Олд Трафорд“ играчите на менаџерот Ерик тен Хаг загубија со 1:0 од Баерн Минхен.

Германскиот првак докажа уште еднаш зошто беше фаворит во оваа група, а петтата победа ја донесе Коман во 71 минута по асистенцијата на Кејн.

Во нокаут-фазата на ЛШ ќе игра и ФК Копенхаген кој со 1:0 го совлада Галатасарај. Турците благодарение на триумфот на Баерн како третопласирани ќе продолжат во Лига Европа.

Наполи во групата „Ц“ дојде и до третиот триумф што и официјално му донесе влез во нокаут-фазата откако со 2:0 триумфираше над португалската Брага. Италијанскиот првак поведе по автоголот на Саатчи во деветтата минута, а Осимен ја зголеми предноста во 33 минута.

Македонскиот репрезентативец Елиф Елмас настапи за „наполитанците“. од 60 минута како замена за Политано.

Португалците иако загубија благодарение на победата на Реал Мадрид (кој има максимален учинок 6-0) од 3:2 на гостувањето кај Унион Берлин, како третопласирани ќе продолжат во ЛЕ.

Уште еден претставник од Португалија ќе продолжи да игра во Лига Европа откако Бенфика со 3:1 го совлада австрискиот Салцбург. Во истата група „Д“ од претходно веќе се знаеше дека во нокаут-фазата на ЛШ ќе бидат Реал Сосиедад и Интер кои ремизираа во Милано без голови (0:0).

ВИДЕО: Севиља остана без европска пролет, Ленс ќе продолжи во ЛЕ