фото: EPA-EFE/Jose Manuel Vidal

ВИДЕО | Атлетико немоќен во Баскија: Реми без голови против Алавес

Фудбалерите на Атлетико Мадрид не успеаја да триумфираат во натпреварот од 34 коло во Ла Лига, во кој одиграа нерешено (0:0) на гостувањето кај Алавес.

Мадридскиот тим не се покажа добро во Баскија, немаше ниту една голема шанса на дуелот, упати само два удари кон голот на домаќините.

Нервозата си го направи своето, а на крајот од првото полувреме дојде до тепачка меѓу екипите. Хулијан Алварез направи груб фаул за кој судијата покажа црвен картон. По проверката на ВАР, исклучувањето беше поништено и сведено на јавна опомена, а во меѓувреме, дојде до ерупција на емоции и краток конфликт.

„Црвено-белите“ се мачеа многу на овој меч, не изгледаа како тим кој се бореше за титулата до неодамна, туку како некој кој е рамноправен противник на тим кој се бори за опстанок. Таму имаат одредена сигурност, со оглед на тоа што речиси обезбедија место меѓу првите пет, а со тоа и место во следното издание на Лигата на шампионите.

Алавес ја подобри својата форма во последно време, има три натпревари во низа без пораз, а ова е петти бод во тој период. Беше во зоната за испаѓање подолг период од сезоната, а сега се приближува до опстанок во шпанското првенство. Моментно се наоѓа на 16 место на табелата со 35 бодови, но ништо не е готово бидејќи Лас Палмас кој е на 18 позиција има само три бодови помалку.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот