Фудбалерите на Атлетико Мадрид освоија три важни бодови на гостувањето кај Селта. Во натпреварот од 21 коло во „Ла Лига“ триумфираа со 1:0 (0:0) и така ја запишаа 11 победа сезонава.

И двете екипи имаа свои шанси, а победата на „јорганџиите“ добива на значење доколку се земе предвид дека играа со фудбалер помалку во последните 20 минути од натпреварот и судиското надополнување.

Во 70 минута исклучен беше дефанзивецот на Атлетико, Стефан Савиќ, но и покрај тоа во 89 минута после една одбиена топка пред голот на Селта, најдобро се снајде Мемфис Депај кој од работ на шеснаесетникот ја испрати топката во мрежата за 0:1.

На табелата Атлетико е на четвртото место со 38 бодови, додека Селта после 10 пораз сезонава е моментно на 13 позиција со 23.

Во следното коло играчите на Диего Симеоне на 19 февруари ќе го пречекаат Атлетик Билбао, додека Селта Виго еден ден порано ќе играат против Реал Сосиедад на гостински терен.

ВИДЕО: Лоша реакција на Димитриевски, Рајо Ваљекано само до бод против Хетафе