Фудбалерите на Арсенал ја совладаа вечерва на гостувањето екипата на Борнмут со 3:0, во натпреварот од третото коло во Премиер лигата.

Норвешкиот играч Мартин Одегард беше двоен стрелец за лондонскиот тим, а головите ги постигна во петтата и 11 минута.

Третиот погодок за „топчиите“ беше дело на Вилијам Салиба во 54 минута за потврда на победата.

Можеше уште поубедлив да биде триумфот на гостите, но погодокот на Габриел Жезус во 73 минута беше поништен поради офсајд.

Составот на Микел Артета е моментно на првото место со девет максимални бодови, додека Борнмут е на 14 позиција со три бода. Во следното коло Арсенал ќе игра во градското дерби против Фулам, а Борнмут му гостува на Ливерпул.

ВИДЕО: Брентфорд го прегази Јунајтед, а сега налета на фантастичниот Митровиќ