Белоруската тенисерка Арина Сабаленка е новата шампионка на грен слем турнирот САД опен.

Во големото финале втората светска тенисерка по голема борба и 114 минути игра ја совлада шестата светска тенисерка Американката Џесика Пегула со 7:5, 7:5.

Така, во своето второ финале во Њујорк, тенисерката од Минск ја освои првата титула на Флешинг Медоус, но и третиот Грен слем во кариерата, откако беше најдобра во Мелбурн на последните два турнири.

А таа го надополни минатогодишниот пораз од Коко Гоф, а воедно ја повтори и победата над Пегула која неодамна ја совлада во финалето на Мастерсот во Синсинати.

Сабаленка ја потврди силата на бетон, ова беше нејзина 27 победа во 28 Грен слем меча на бетон во последните две години.