Во дербито на 12 коло во „Ла Лига“ на стадионот „Реал арена“ во дуелот меѓу Реал Сосиедад и Барселона славеа гостите со 1:0.

Единствениот гол го постигна Роналд Араухо во судиското надополнување (90+2`).

Каталонскиот гигант после оваа победа дојде до 27 бодови и се наоѓа на третото место, додека Реал Сосиедад е на шестото место со 19 бодови.

Во саботата Бетис со 2:0 ја совлада Мајорка, ремизираа Селта и Севиља (1:1), а Жирона со 2:4 беше подобра од Осасуна.

Во недела ќе се одиграат четири мечеви Алавес – Алмерија, Валенсија – Гранада, Виљареал – Атлетик Билбао и Реал Мадрид – Рајо Ваљекано, а во понеделник уште еден натпревар меѓу Хетафе и Кадиз.