ВИДЕО АНКЕТА: Што би студирале на УКИМ идните студенти?
Универзитетот „Св. Кирил и Методиј“ организираше „Отворен ден“ за матурантите кои по завршувањето на средното училиште планираат да го продолжат образованието на најстариот и најголемиот универзитет во државава.
Идните студенти денеска имаа шанса да се запознаат со активностите на наставниот и соработничкиот кадар, со активностите на студентите, можностите за стипендирање и меѓународна размена, кариерните можности и практиканството, како и со многу други прашања поврзани со студентскиот живот директно од професорите.
Анкетата која ја направи „Слободен печат“ на Филозофскиот факултет при УКИМ покажа дека има голем интерес за студиите по психологија, а примамливи се и студите по логопедија, филозофија, педагогија итн.
На средношколците им се допаѓаат условите за студирање и повеќето би останале да живеат и работат во Македонија по завршувањето на студиите.
Погледнете ја анкетата на колешката Агнеса Чаволи: