Вечерва завршија шансите за најдобрите англиски репрезентативци да се најдат на завршниот турнир од УЕФА Лигата на нации.

После поразот од Данска на домашен терен (0:1), избраниците на селекторот Саутгејт уште еднаш ги разочараа нивните навивачи со нов загубен натпревар овојпат од Белгија (2:0) и што е загрижувачки за „Гордиот Албион“ веќе втор меч по ред не знае за гол.

За трите бода се погрижија Тјелеманс и Мертенс, Белгијците ќе се борат за првото место во групата „2“ од Лигата „А“ кое води на Ф4, моментно се на врвот со 12 бодови, и во последното шесто коло ќе води директна битка против Данците (10) кои со 2:1 славеа против Исланд.

И Италијанците се во трката за Ф4, со головите на Жоржињо и Берарди славеа во Реџо Емилија над Полска (2:0).

Полјаците и покрај поразот остануваат со шанси за првото место во групата „1“ од Лигата А, за тоа ќе им биде потребен триумф во последното шесто коло над Холандија на домашен терен, а претходно Италија не слави, односно загуби кај Босна и Херцеговина на гости.

Лига на нации, резултати –

Лига „А“
Холандија-Босна и Херцеговина 3:1
Белгија-Англија 2:0
Данска-Исланд 2:1
Италија-Полска 2:0

Лига „Б“
Словачка-Шкотска 1:0
Бугарија-Финска 1:2
Турција-Русија 3:2
Велс-Ирска 1:0
Австрија-Северна Ирска 2:1
Чешка-Израел 1:0
Унгарија-Србија 1:1
Романија-Норвешка одложено

Лига „Ц“
Македонија-Естонија 2:1
Албанија-Казахстан 3:1
Белорусија-Литванија 2:0
Грузија-Ерменија 1:2
Молдавија-Грција 0:2
Словенија-Косово 2:1