Анџелина Џоли им се придружи на оние што им помагаат на луѓето погодени од пожарите во Лос Анџелес. Имено, како што пренесува „Пејџ сикс“, таа била снимена со нејзиниот син Нокс (16) како купува неопходни работи како храна и вода.

@vanessatresjolie Angelina Jolie and son Knox, 16, reveal how they’re helping loved ones amid LA fires ?? #Angelinajolie #wildfire #losangeles ♬ suono originale – ANGELINA JOLIE ALIKE

„Во моментов се грижам за оние кои ми се блиски, кои престојуваат во мојата куќа“, изјави актерката за „Дејли мејл“. Таа истакна и дека во наредните недели ќе донира пари за пожарникарите.

Џоли е уште една во низата познати личности кои решиле да помогнат поради пожарот во Лос Анџелес. Претходно актерката Џејми Ли Кертис изјави дека ќе донира 1 милион долари за сите погодени, а сестрите Кардашијан донираа и за пожарникарите.

За потсетување, пожарникарите конечно почнаа да контролираат два големи пожари на источната и западната страна на Лос Анџелес, откако жестоките ветрови кои со денови ги подгреваа пожарите конечно се смирија.

Шест истовремени шумски пожари ги опустошија населбите во Лос Анџелес од вторникот, при што загинаа најмалку 11 луѓе и оштетија или уништија 10.000 објекти. Тие бројки се очекува да се зголемат откако пожарникарите ќе можат безбедно да ги прегледаат сите домови.