По четиригодишна политичка криза, Народното собрание на Бугарија изгласа политичка влада на земјата со 125 гласа за и 114 против, а нов премиер ќе биде Росен Жељазков.

Коалицијата ГЕРБ-СДС ја доби поддршката од БСП-Обединета левица, партиите „Има таков народ„ и „Демократија, права и слободи – ДПС”.

– Како што кажа претседателот на Бугарија, Румен Радев, новата влада во Софија е плод на сложена коалиција и може да се надева на тесна поддршка во Собранието. Тоа е лоша вест за надежите на нашата влада да се издејствуваат преговори и промени на преговарачката рамка со ЕК, кои произлегуваат од Протоколите од Договорот за добрососедство. Дел од коалицијата е и движењето Има таков народ, чии претставници прашањето Македонија го третираат 19-вековно како во најцрните денови на т.н. „црковни војни“ кои се водат на територија на нашата земја. Затоа мислам дека некакво попуштање во прилог на Македонија, новата влада во Софија нема да може да го преживее – вели новинарот на Слободен печат, Срѓан Ивановиќ