Лидерот на ДУИ, Али Ахмети, се закани со силен отпор доколку Уставниот суд го укине Заканот за употребата на јазиците.

– Али Ахмети рече дека доколку се смени една точка или запирка од Законот, власта ќе го почувствува ураганот на ДУИ и ќе доживее невиден отпор од членовите на оваа партија. Ахмети дополни и дека секогаш биле заедно со Македонците, но нема да дозволи тие да бидат господари, а Албанците слуги. Ахмети доби повеќе одговори од бројни политичари коишто не се сложуваат со неговите квалификации. Премиерот Мицкоски му порача да го намали притисокот кон Уставниот суд, Изет Меџити го нарече делегитимиран политичар, а Билал Касами го потсети дека е опкружен со луѓе од црната листа на САД. Токму последното, односно дека високи функционери на ДУИ се најдоа на црната листа на американскиот Стејт департмент, сметам дека е многу силен удар врз интегритетот на партија од кој тешко дека со актуелното раководство ќе може да се оправи и дека ДУИ треба да се подготвува за подолготраен претстој во опозиција – вели новинарот на Слободен печат, Срѓан Ивановиќ.