Вчеравечер се одржа 13. издание на свеченото доделување на Гувернеровите награди, во организација на Академијата за филмски уметности и науки.

Годинашната хуманитарна награда „Џин Хершолт“ отиде во рацете на актерот Мајкл Џеј Фокс, за неговата хуманитарна активност со која собра 1,5 милиони долари за истражување на Паркинсовата болест.

На Фокс му беше дијагностицирана Паркинсова болест на 29-годишна возраст. Имено, за оние кои не знаат, се работи невродегенеративна болест која ги напаѓа моторните функции на заболениот, говорот и други функции.

Како последица на својата здравствена состојба, Фокс се повлече од актерството и ја основаше Фондацијата Мајкл Џеј Фокс, за истражување на Паркинсовата болест и за финансирање на потрагата по што е можно подобар лек.

„Понизно стојам тука, прифаќајќи ја вашата добрина“, рече актерот.

Фокс сподели дека најтешкиот дел од неговата дијагноза е „борбата со неизвесноста“ и дека ја криел својата дијагноза бидејќи „не знаел дали публиката ќе се смее со неговите проекти доколку знае за нештата кои го мачат“.

Почесни Оскари добија и режисерот Питер Вир, текстописката Дајан Ворен и режисерката Еужан Палси.