„Овој лајв ќе го оставам на мојот Инстаграм затоа што треба да ви кажам нешто. Затоа што секогаш сум била општествено одговорна. Општествено одговорна за ментално здравје, општествено одговорна за животот и општеството во коешто живееме и каде што сме сите сведоци. И ако н е си општествено одговорен тогаш не можеш ни да се бавиш со јавна професија.

Значи, која ќе ја добиеш веста дека ти е дијагностициран рак, тоа значи дека првата мисла што ќе ви падне на памет е дека вашето време некако станува одброено. Значи, некако, вашиот почеток почнува да има и крај. Што не мора да значи дека е така.

Јас се обидов само поради мојата ментална состојба да не го кажувам тоа. Инаку мојата дијагноза е од средината на април оваа година. И тоа никој не можеше да забележи затоа што јас во меѓувреме настапив со 30 деца на ‘Глумците пеат’, бев во Битола итн. И на сите тие појавувања јас бев со два дрена. Тоа така затоа што прво сум борец, второ – не сакам да кукам, трето – мразам патетика и четврто – можеби најважно од сè е што не сакам никој да ме сожалува, и тоа е нешто што е дел од мене.

Другиот момент што е многу важен е дека секогаш кога се соочувате со оваа работа, тоа е дека останувате сами. И, не ви треба во тој момент баш никој да се грижи за вас затоа што секое подигнување на веѓа или некое затрпекување… мене барем ми пречи. И иако сум човек којшто многу помагал и ќе помагам, за мене почувствував дека тоа не ми е потребно во овој момент кога ги живеам моите најтешки моменти, задачи, преживувања.

Се работи за следново, имав две операции. Значи, се работи за рак на дојка. Тоа значи дека минатата година кога јас се оперирав, кога доктор Огнен ми ја извади жолчката, тогаш се направив систематски преглед каде што на десната града ми рекоа: ‘Имате една фиброза којашто треба да се следи’.

И таа јас ја следев одвреме-навреме, но реално колку тоа и да звучи смешно и парадоксално и многу апсурдно, но како што спиев, едно од кучињата ми скокна баш на десната града и толку ме заболе што другиот ден му се јавив на мојот добар другар, мојот спасител Огнен. Ме среди за 24 часа, со тоа што ми обезбеди торакалец – Наташа Толеска, која е извонреден хирург и, не дај Боже, но топло ви ја препорачувам. Тогаш почнавме со приказната дека тоа мора некако да се среди. Тоа што го имате во себе, мора да се отстрани. Тогаш не размислувате како ќе изгледа вашето тело, туку верувате во докторите.

Кај мене се работеше за брзоразвивачки канцер…“, раскажа актерката, меѓу другото.

Целосното видео можете да го изгледате ТУКА.