Aмериканската тенисерка Венус Вилијамс најави дека ќе се врати на терените во март на Индијан Велс, пренесуваат американските медиуми.

Вилијамс се опоравува од повредата на коленото која ја заработи на натпреварот од првото коло на Вимблдон против Елина Свитолина.

„Во текот на летото играв со повреда и тоа скоро никој не го знаеше. Не сакав да го пропуштам УС Опен. Елиминирана бев во првото коло на турнирот во Њујорк, а потоа одлучив да не играм до крајот на годината за да му дадам шанса на коленото да заздрави“, изјави Вилијамс на својот „јутјуб“ канал.

Турнирот на кој планира да се врати Венус на програмата е од 6-ти до 17-ти март наредната година. Во големата кариера Венус освои 49 титули, но во овој момент 413. тенисерка во светот.