Ракометниот клуб Алкалоид одржа прес-конференција на која го најави реваншот со италијанскиот Бриксен во рамки на осминафиналето на EHF Европскиот Куп.

Во овој меч македонската екипа предводена од тренерот Кирил Лазаров влегува со позитива од 12 гола од првата средба (44:32).

Лазаров сакам и очекува победа заради рејтингот на клубот и македонскиот ракомет.

Своите очекувања за реваншот ги сподели и ракометарот на Алкалоид, Мартин Велковски:

– Бриксен игра модерен и брз ракомет, но ние сме поквалитетни, можеме да дојдеме до уште една победа. Ја повикувам публиката да нѐ бодри и заеднички да го славиме пласманот во четвртфиналето – рече Велковски.

Натпреварот меѓу РК Алкалоид и РК Бриксен ќе се игра во сабота во салата „Автокоманда“ со почеток од 18.00 часот.