Вељко Ражнатовиќ започна со уредување на имотот во Тител, за секој детаљ да биде по мерка на неговата сопруга Богдана.

– Цеца како подарок во дворот им направила базен, а тоа ги мотивирало да ја средат куќата. Тоа е огромен имот и сакаат од него да направат рај. Вељко во вилата на Цеца има цел спа-центар и истото сака да го направи во Тител. Тој веќе донесе некои справи за тренинг, па така да сега има лична теретана – изјавил негов пријател за српски „Информер“.

За да имаат потполна приватност, околу имотот изградиле голема ограда.

Тие планираат исто така да посадат трева, а купуваат и градинарски мебел, лулашки, лежалки и слично…

– Акцентот моментално е ставен на средување на двориштето. Ќе се направи и фасада на куќата. Тие имаат еден помошен објект, кој е направен како ресторан. Во него го славеа раѓањето на малиот Жељко. Размислуваат да изградат уште еден таков објект, но и гаражи. Сакаат да направат рај. Таа одлука ја донесоа додека беа во карантин. Вељко во март и април избега во Тител и тогаш сфати колку може да биде животот поубав ако си надврод од главниот град. Тој не сака метеж и медиумско внимание, па за тоа таму му е многу убаво – рекол изворот.

Посебен дел од дворот ќе биде наменет за милениците на Вељко.

– Синот на Цеца има околу 25 кучиња. Секој има свој бокс. Вељко доста се грижи за нив. Станува наутро да ги нахрани, ги шета, ги тренира… Потполно им е посветен. Сака и да ги разубави боксовите. Ќе воведе во нив греење, за да им биде топло и на зима – објаснил неговиот пријател.