Од 21 до 26 јули се одржува Европскиот младински олимписки фестивал во Скопје, Македонија ќе настапи со околу 200 спортисти, кои ќе се натпреваруваат во 15 спортови. Наши натпреварувачи имаме и во бадминтон каде денеска настапија Ведан Стефановски и Ива Живковска.

Во групата 4 Стефановски на првиот ден имаше три натпревари и на сите претрпе порази. Во првиот меч подобар беше Даниел Леоновик од Литванија со 2:0 (21:5, 21:3), потоа победа славеше Естонецот Карл Матиас Педаи двапати со 21:9, а победа оствари и Словенецот Тим Брегар со 21:2 и 21:12.

Последниот меч во групата Стефановски ќе го има во вторник од 13.30 часот во ООУ „Невена Георгиева-Дуња“ Один Магнусон од Исланд.

Во женска конкуренција во групата 7 Живковска одигра еден меч во кој беше поразена од Холанѓанката Сара Стаатс со 21:9 и 21:12.

Следните три мечеви Живковска ќе ги игра во вторник, во 11.00 часот против Елза Анико Сандор од Унгарија, од 16.00 часот против Грузијката Кетеван Цамалаидзе, и од 20.00 часот противничка ќе биде Елена Попиванова од Бугарија.

На 24 јули во микс двојки ќе настапат Стефановски и Живковска кои за пласман во осминафиналето ќе играат против шпанскиот пар Санц Баракина и Лопис Марко.