Како што информираат од фудбалскиот клуб Вардар, тренерот Александар Васоски нема да го води клубот во денешниот нов прволигашки натпревар.

– Нашиот шеф на стручен штаб, Александар Васоски, нема да биде во можност да ја води екипата на денешниот меч со Струга поради смртта на неговиот татко.

ФК Вардар изразува длабоко сочуство на Александар Васоски и неговото семејство во овие тешки моменти. Нека почива во мир! – известуваат од фудбалскиот клуб Вардар.

Дуелот од 11 коло во Првата лига помеѓу Струга Трим Лум и Вардар на Градскиот стадион во Струга ќе се игра денеска со почеток од 13.30 часот.

Моментно во генералниот пласман во 1МФЛ Вардар е на деветтото место со 12 бодови, а Струга Трим Лум е на петтата позиција со 15.