Aлександар Васоски кој на клупата на Академија Пандев се врати да донесе подобри резултати после заминувањето на Ѓорѓе Стојчев не издржа ниту два месеци и си поднесе оставка после денешниот пораз од Работнички.

Васоски минатата сезона ја порепорди Академија Пандев која стигна до вицешампионската позиција, но сезонава ниту тој не успеа да донесе подобри резултати.

На табелата Академија Пандев е претпоследна, единствените победи на Васоски беа во Купот на Македонија прво против Тетекс од 6:0, а потоа 9:0 против Љуботен. Во Академија Пандев Васоски се врати на 7. септември после кратката епизода во Босна во Сараево.

„По последниот пораз и серијата лоши резултати ја преземам одговорноста и си поднесувам оставка од клупата на Академија Пандев. На клубот му посакувам се најдобро во иднина“, објави Васоски на својот Фејсбук профил.

Ќе потсетиме, токму Васоски ја донесе последната титула за Вардар во 2020 година.